आळेफाटा, ता. १७ : स्वातंत्र्य दिनानिमित्ताने पूना ब्लड बँक व ग्रामपंचायत राजुरी (ता. जुन्नर) यांच्या वतीने आयोजित केलेल्या रक्तदान शिबिराला उत्स्फूर्त प्रतिसाद मिळाला. या शिबिरात २६६ जणांनी रक्तदान करून सामाजिक बांधिलकी जपली.
शिबिराचे उद्‍घाटन माजी सभापती दीपक आवटे, सरपंच प्रिया हाडवळे यांच्या हस्ते करण्यात आले. याप्रसंगी उपसरपंच माऊली शेळके, वल्लभ शेळके, एम. डी. घंगाळे, एकनाथ शिंदे, चंद्रकांत जाधव, दिलीप घंगाळे, अशोक औटी, मुबारक तांबोळी, जिलानी पटेल, रईस चौगुले, गोरक्ष हाडवळे, राजेंद्र हाडवळे, विक्रम डुंबरे आदी उपस्थित होते. रक्तदान शिबिर यशस्वी करण्यासाठी पूना ब्लड बॅंकेचे गणेश औटी, सामाजिक कार्यकर्ते रविराज गाडगे आदींनी परिश्रम घेतले. जी. के. औटी यांनी सूत्रसंचालन केले, तर हाडवळे यांनी आभार मानले.