आळेफाटा, ता. ७ : आळे (ता. जुन्नर) येथील बी. जे. महाविद्यालय व क्विक हिल फाउंडेशन यांच्या वतीने राबविण्यात येणाऱ्या सायबर शिक्षा फॉर सायबर सुरक्षा या प्रकल्पाच्या पूर्ततेच्या अनुषंगाने फाउंडेशनचे सहयोगी संचालक अजय शिर्के यांनी महाविद्यालयाला भेट दिली. यावेळी त्यांनी बीसीए-बीसीएस विभागातील निवडलेले चार क्लब ऑफिसर्स व १६ सायबर योद्ध्यांशी प्रत्यक्ष संवाद साधून चर्चा केली.
याप्रसंगी प्राचार्य डॉ. प्रवीण जाधव यांनी सांगितले की, ‘‘मागील तीन वर्षांपासून या प्रकल्पात सहयोगी महाविद्यालय म्हणून काम करताना विद्यार्थ्यांना क्विक हिलकडून उत्कृष्ट व्यासपीठ मिळाले आहे. त्यामुळे संस्थेला आणि महाविद्यालयाला परिसरात चांगली ओळख मिळून नावलौकिक वाढला आहे. पुढील काळात देखील फाउंडेशनसोबत अधिक प्रभावीपणे काम करणार आहे.’’ विभागप्रमुख प्रा. नूतन जोशी, प्रा. सर्जेराव थोरात, प्रा. साक्षी शिंदे, प्रा. रितेश खंडागळे आदींनी कार्यक्रमाचे आयोजन केले.