आळेफाटा, ता. ७ ः आळेफाटा (ता. जुन्नर) येथील अनंतराव कणसे होमिओपॅथिक वैद्यकीय महाविद्यालय व रुग्णालय यांनी पुन्हा एकदा उत्कृष्ट निकालाची परंपरा कायम ठेवली आहे. महाराष्ट्र आरोग्य विज्ञान विद्यापीठ, नाशिक यांच्या जुलै २०२४ मध्ये झालेल्या परीक्षेत महाविद्यालयाच्या चौथ्या वर्षातील बीएचएमएस वर्गातील शंभर टक्के विद्यार्थी उत्तीर्ण झाले आहेत. या परीक्षेत अवंती प्रविण वर्हेकर हिने १०९२ गुणांसह प्रथम क्रमांक, फातिमा असीफ मण्यार हिने १०८४ गुणांसह द्वितीय क्रमांक, तर अलीशा युसुफ तांबोळी हिने १०७५ गुणांसह तृतीय क्रमांक पटकावला. या निकालाची माहिती महाविद्यालयाचे प्राचार्य डॉ. कमलेश घोलप, मच्छिंद्र खोकराळे यांनी दिली.