आळेफाटा, ता. ९ : बोरी बुद्रूक (ता. जुन्नर) येथील श्रीमती सीताबाई रंगूजी शिंदे कला वाणिज्य व विज्ञान महाविद्यालयास एम. ए. (अर्थशास्त्र) आणि बी. कॉम .(सी.ए.) या अभ्यासक्रमास सावित्रीबाई फुले पुणे विद्यापीठ व महाराष्ट्र शासनाकडून मान्यता देण्यात आली आहे. तसेच या अगोदर महाविद्यालयास एम. कॉम. या अभ्यासक्रमास मान्यता मिळाली आहे.
‘‘विद्यार्थ्यांना उच्च शिक्षण मिळावे. त्यांना शिक्षणाची संधी मिळावी व त्यांना स्वतःच्या पायावर उभे राहता यावे, यासाठी महाविद्यालयात विविध प्रकारचे अभ्यासक्रम शिकवले जाणार आहेत. तसेच एम. ए. व बी. कॉम. शाखेसाठी मान्यता मिळाल्यामुळे विद्यार्थ्यांना शिकण्यासाठी नवीन संधी उपलब्ध झाली आहे,’’ अशी माहिती संस्थेचे अध्यक्ष एस. आर. शिंदे व प्राचार्य डॉ. टी. डी. गुंजाळ यांनी दिली.