आळेफाटा, ता. २७ : राजुरी (ता. जुन्नर) येथील विद्या विकास मंदिर माध्यमिक व उच्च माध्यमिक विद्यालयातील २००८-०९ या दोन वर्षांच्या काळातील इयत्ता बारावीच्या विद्यार्थ्यांचा स्नेह मेळाव्याचे आयोजन करण्यात आले होते. सुमारे १६ वर्षांनी पुन्हा एकत्र आल्याने सर्वजण आनंदात दिसत होते.
या स्नेहमेळाव्यात सुरवातीला विद्यार्थ्यांनी सरस्वती व श्री गणेशाच्या प्रतिमेचे पूजन करून स्नेह मेळाव्याची सुरुवात केली. यावेळी उपस्थित विद्यार्थ्यांनी आठवणीतील शाळेविषयी विचार मांडून सर्व विद्यार्थ्यांना त्यांच्या बालपणीच्या सुखद क्षणांना उजाळा दिला.
शाळेचे माजी व आजी शिक्षकांनी त्याकाळातील विद्यार्थ्यांचे किस्से सांगत विद्यार्थ्यांना पुढील आयुष्यासाठी शुभेच्छा दिल्या.
या दरम्यान सर्व विद्यार्थ्यांना सन्मानित केले. यावेळी काही विद्यार्थ्यांनी शालेय जीवनातील किस्से सांगून उपस्थित विद्यार्थ्यांचे मनोरंजन केले. यावेळी दुपारी भोजन झाल्यानंतर विद्यार्थ्यांनी शालेय जीवनातील किस्से सांगून मनोरंजन केले. यावेळी जीवनातील ताणतणाव विसरून सर्वजण बालपणीच्या आठवणीत रममाण झाले होते. या स्नेहमेळाव्याचे आयोजन सीताराम कणसे, स्वप्नील बनकर, दत्ता बनकर तसेच सर्व विद्यार्थ्यांनी केले होते. माजी विद्यार्थी श्रीहरि हाडवळे यांनी प्रास्ताविक केले. संतोष कोरडे यांनी सूत्रसंचालन केले व नीलेश बांगर यांनी आभार मानले.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.