आळेफाटा, ता. १५ : आळे (ता. जुन्नर) येथील बाळासाहेब जाधव कला, वाणिज्य व विज्ञान महाविद्यालयात भगवान बिरसा मुंडा जयंती उत्साहात साजरी करण्यात आली.
कार्यक्रमाच्या सुरवातीला प्राचार्य डॉ. प्रवीण जाधव यांच्या हस्ते बिरसा मुंडा यांच्या प्रतिमेचे पूजन करण्यात आले. त्यानंतर विद्यार्थ्यांना मार्गदर्शन करताना ते म्हणाले की, अशा उपक्रमांमुळे विद्यार्थ्यांमध्ये आदिवासी वीरांचे योगदान, स्वातंत्र्यलढ्याचा इतिहास आणि सामाजिक बदलाविषयीची प्रेरणा रूजण्यास मदत होते. त्यानंतर महाविद्यालयातील प्राध्यापकांनी त्यांच्या कार्याचा आढावा घेणारी माहितीपूर्ण भाषणे सादर केली. विद्यार्थ्यांनी घोषवाक्ये, वकृत्व स्पर्धा आणि पोस्टर सादरीकरणाद्वारे आपल्या भावना आणि प्रेरणा व्यक्त केली. प्रा. संजय वाघचौरे, विद्यार्थी विकास मंडळाचे डॉ. संतोष राठोड आणि राष्ट्रीय सेवा योजनेचे प्रा. विकास पुंडे, प्रा. रावसाहेब गरड, शुभम गुंजाळ यांनी कार्यक्रमाचे आयोजन केले होते.