पारगाव, ता. १२ : मेंगडेवाडी (ता. आंबेगाव) येथील पुरातन गणेश मंदिरात अंगारकी चतुर्थी निमित्ताने मंगळवारी (ता. १२) भाविकांनी पहाटेपासून दर्शनासाठी गर्दी केली होती. दिवसभर मंदिरात भजनाचे कार्यक्रम सुरू होते. या मंदिरात आंबेगाव तालुक्याच्या पूर्व भागातून मोठ्या प्रमाणावर भाविक येत असतात. चतुर्थीनिमित्त पहाटे देवाला अभिषेक, पूजा करण्यात आली. त्यानंतर दर्शनाला आलेल्या भाविकांना खिचडी व केळीचे वाटप करण्यात आले.