पारगाव, ता. २२ : लोणी (ता. आंबेगाव) येथील श्री भैरवनाथ विविध कार्यकारी सेवा सहकारी सोसायटीच्या अध्यक्षपदी ज्योती जगन्नाथ लंके व उपाध्यक्षपदी खंडू भिवा माकरे यांची बिनविरोध निवड झाली. याबाबतची माहिती सचिव निवृत्ती सिनलकर यांनी दिली. यावेळी मावळते अध्यक्ष दिपक वाळूंज व उपाध्यक्ष बबन वाळूंज यांच्यासह संचालक मंडळ उपस्थित होते. निवडीनंतर सोसायटी व ग्रामस्थांच्या वतीने नवनिर्वाचित अध्यक्ष व उपाध्यक्ष यांचा सत्कार करण्यात आला. संस्थेचे कार्यक्षेत्र लोणी, रानमळा व वाळूंजनगर हे असून एकूण सभासद ११४५ आहेत. संस्था लवकरच शेतकरी मार्गदर्शन केंद्र उभारणार असल्याचे नवनिर्वाचित अध्यक्ष लंके यांनी यावेळी सांगितले.