पारगाव, ता. २६ : पोंदेवाडी (ता. आंबेगाव) गावाच्या हद्दीतून सुरू असलेल्या काठापूर बुद्रुक ते पोंदेवाडी रस्त्याच्या सिमेंट कॉंक्रिटीकरणाचे काम सुरू आहे. यादरम्यान अनेक ठिकाणी ओढ्यावरील मोऱ्यांची कामे सुरू असताना चारी खोदताना सार्वजनिक पाणी पुरवठा योजनेची वाहिनी फुटली आहे. त्यामुळे वाळुंजवस्ती व रोडेवस्ती परिसरातील पाणीपुरवठा बंद पडला आहे. त्यामुळे नागरिकांची गैरसोय होत आहे. संबंधित ठेकेदार जलवाहिनी दुरुस्त करण्यास टाळाटाळ करत आहे.
काठापूर बुद्रुक ते पोंदेवाडी रस्त्याच्या कामासाठी साडेपाच कोटी रुपयांचा निधी मंजूर झाला आहे. अनेक ठिकाणी ओढ्यावरील मोऱ्यांचे काम सुरू आहे. पोंदेवाडी येथे मोरीचे कामासाठी चारी खोदताना सार्वजनिक पाणी पुरवठा योजनेची वाहिनी फुटली आहे. संबंधित ठेकेदाराला जलवाहिनी दुरुस्ती करण्याबाबत अनेकदा सांगूनही दुरुस्तीसाठी टाळाटाळ केली जात असल्याचे माजी उपसरपंच संदीप पोखरकर यांनी सांगितले तसेच, जलवाहिनीची तातडीने दुरुस्ती करून पाणीपुरवठा सुरळीत करावा, अशी मागणी पोखरकर यांनी केली आहे.

06150