पारगाव, ता. ७ : पोंदेवाडी (ता. आंबेगाव) येथे सोमवारी (ता.६) सायंकाळी अज्ञाताने लावलेल्या आगीत तीन एकर क्षेत्रातील तोडायला आलेला ऊस जळून खाक झाला. त्यामुळे शेतकऱ्यांचे लाखो रुपयांचे नुकसान झाले.
पोंदेवाडी व लाखणगाव हद्दीवर शरद नाथा रोडे व सुभाष भाऊ रोडे यांची शेती आहे. काल सोमवारी सायंकाळी सात वाजण्याच्या सुमारास उसाच्या शेतात मोठा उजेड दिसल्याने रोडे कुटुंब शेताकडे धाव घेतली. या आगीत सुभाष यांचा दोन तर शरद यांचा एक एकरातील ऊस जळून खाक झाला. पुढील महिन्यात साखर कारखाना सुरू झाल्यानंतर ऊस तोडायला जाणार होता. त्यामुळे दोन शेतकऱ्यांचे मोठे नुकसान झाले आहे. पारगाव कारखाना पोलिस ठाण्यात अज्ञाताविरोधात मंगळवारी (ता.७) सकाळी व्यक्ती विरोधात तक्रार देण्यात आली आहे. पारगाव कारखाना पोलिसांनी घटनास्थळी भेट देऊन पंचनामा केला आहे.
अतिवृष्टीने शेतातील सर्वच पिकांचे मोठ्या प्रमाणात नुकसान झाले आहे. शेतकरी मेटाकुटीला आला आहे त्यातच नगदी पीक म्हणून ओळखल्या जाणाऱ्या उसाला आग लावल्याने संबंधित दोन शेतकऱ्यांचे मोठे नुकसान झाले. पोलिसांनी आग लावणाऱ्या व्यक्तीचा शोध घेऊन त्याच्या विरोधात कडक कारवाई करावी, अशी मागणी खरेदी विक्री संघाचे माजी अध्यक्ष अनिल वाळुंज यांनी केली आहे.
06208
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.