आपटाळे, ता. १२ ः जुन्नर तालुक्यातील बिबट्यांच्या हल्ल्याच्या वाढत्या घटनांमुळे नागरिकांमध्ये भीतीचे वातावरण निर्माण झाले आहे. त्यातच प्रशासनाकडून आवश्यक उपाययोजना होणे आवश्यक असताना सार्वजनिक बांधकाम विभागाने जुन्नर ते माणिकडोह रस्त्याच्या दुतर्फा वाढलेली झाडी- झुडपे काढण्याची मागणी या भागातील नागरिकांकडून केली जात आहे.
जुन्नर ते माणिकडोह हा रस्ता जुन्नर तालुक्याच्या पश्चिम आदिवासी भागाला जोडणारा मुख्य रस्ता म्हणून ओळखला जातो. अंजनावळे, केवाडी, देवळे, हडसर, राजूर या गावांकडे जाण्यासाठी प्रवासी या रस्त्याचा वापर करतात. दररोज शेकडो वाहने व दुचाकीस्वार या रस्त्यावरून प्रवास करतात. या रस्त्याच्या दुतर्फा बहुतांशी ठिकाणी दाट झुडपे वाढलेली आहेत. तसेच, या भागात बिबट्याचे दर्शन नित्याचेच झाले आहे. दिवसाढवळ्या बिबट्या दिसू लागल्याने नागरिकांमध्ये भीतीचे सावट निर्माण झाले आहे. पाडळी गावच्या हद्दीत रस्त्याने प्रवास करताना या झाडीमध्ये लपून बिबट्याने हल्ला केल्याच्या घटना घडल्या आहेत. त्यामुळे दुचाकीस्वारांना या मार्गावरून प्रवास करताना जीव मुठीत घेऊन प्रवास करावा लागत आहे.
बिबट्याच्या हल्ल्याच्या घटना होऊ नये, यासाठी सार्वजनिक बांधकाम विभागाने तत्काळ रस्त्याच्या दुतर्फा असलेली झाडेझुडपे काढण्याची मागणी प्रवाशांकडून केली जात आहे.
02856
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.