भुकूम, ता. १ : मुळशी तालुक्याच्या पश्चिम भागात काही ठिकाणी भात लावणीस प्रारंभ झाला आहे. ज्यांना लवकर पेरणी करणे शक्य झाले ते शेतकरी भात लागवड सध्या करीत आहेत.
तालुक्यात मे महिन्याच्या पावसापूर्वी ज्यांनी भात बियाणांची पेरणी केली त्यांची रोपे लागवडीस आली आहेत. बारामाही पाण्याची सोय असलेल्या शेतकऱ्यांनी, अशी पेरणी केली होती. तालुक्याच्या मुठा खोरे, कोळवण खोरे व पौड माले भागातली काही शेतकरी भात लावणी करत आहेत. दरम्यान, पावसाने उघडीप दिल्याने अनेक शेतकरी औताएवजी कुदळ्याने पेरणी केली. त्यांची रोपे लहान आहेत तर काही पावसाने कुजून गेली आहेत. तसेच खलाटीच्या भागात पेरणी होऊ शकली नाही. त्यामुळे तेथे यावर्षी भात लावणी होऊ शकणार नाही. दरम्यान लावणीस आलेल्या भात रोपांची लागवड करण्याची शेतकऱ्यांची लगबग सुरू झाली आहे.

02571