भुकूम, ता. १ : कोळावडे (ता. मुळशी) येथे गवा भात पिकाचे मोठे नुकसान करत आहे. नुकतीच लावलेली रोपे रात्रीच्यावेळी फस्त करत आहे.
कोळावडे परिसरात फेब्रुवारी महिन्यापासून गव्याने उपद्रव देण्यास सुरवात केली. त्यावेळी ग्रामस्थांनी त्याचा बंदोबस्त करावा, अशी मागणी केली होती. सध्या गवा डोंगरकडे, वाडीच्या शिवारात रात्रीचा फिरतो. लावणी केलेली भात व इतर रोपे खात असतो. तसेच खाचरातील त्याच्या चालण्यामुळे रोपे गाडून नुकसान होत असल्याचे येथील शेतकरी गुलाब उभे यांनी सांगितले.
दरम्यान, लव्हार्डे, सिध्देश्वर,भोडे गावांच्या शिवारतही गवा फिरत असल्याचे तुकाराम मरे यांनी सांगितले. मुळशी तालुक्यात यापूर्वी गव्याचे अस्तित्व कधी नव्हते. तो कोठून व कोणत्या मार्गाने आला असावा. गेल्या सहा महिन्यापासून शेतकऱ्यांनी त्याचा त्रास जाणवू लागला आहे. पिकांच्या संरक्षणासाठी वन खात्याने गव्याचा बंदोबस्त करावा अशी मागणी येथील ग्रामस्थांची आहे.
.
02629