भिगवण, ता. २० : येथील रयत शिक्षण संस्थेच्या भैरवनाथ विद्यालयामध्ये नुकताच शैक्षणिक वर्षे १९९२-९३ तुकडीचा माजी विद्यार्थी मेळावा पार पडला. मेळाव्यानिमित्ताने तब्बल ३२ वर्षांनी शाळेतील जुने सवंगडी भेटले.
कार्यक्रमाच्या अध्यक्षस्थानी अध्यक्ष प्राचार्य धनंजय खराडे होते. यावेळी माजी विद्यार्थ्यांकडून शाळेच्या स्वच्छतागृहाची अडचण विचारात घेऊन दहा युनिटचे स्वच्छतागृह बांधून देण्यात आले. त्यांनी विद्यालय परिसरामध्ये वृक्षारोपण केले. मेळाव्यामध्ये विविध गुणदर्शन, खेळ आदी उपक्रम राबविण्यात आले. यावेळी राजू देहाडे, कुंडलिक धुमाळ, शैलजा वाघ, वंदना चव्हाण, सारिका शहाणे, सारिका बोगावत, सविता लष्करे, अमित खानावरे, सारिका जाधव यांनी मनोगत व्यक्त केले.
प्रमुख पाहुणे म्हणून सेवानिवृत्त शिक्षक रामचंद्र बचुटे, अनंता मराडे, शिक्षकेत्तर कर्मचारी संदीप ढेरे, विजय येडे आदी मेळाव्यासाठी उपस्थित होते. यासाठी राहुल लंबाते, नितीन परकाळे तानाजी खटके, अनिल नरुले, संतोष थोरात, कुंतलराणी भंडारी, मिनाक्षी पवार, संतोष कांबळे, संतोष लोंढे यांनी विशेष परिश्रम घेतले. दीपक वाघ यांनी प्रास्ताविक, तर नानासाहेब मारकड यांनी सूत्रसंचालन केले. सचिन बोगावत यांनी आभार मानले.
01233