बारामती, ता. १३ : येथील म.ए.सो.च्या कै. ग.भि.देशपांडे विद्यालयात स्वातंत्र्यदिनानिमित्त म.ए.सो. कलावर्धिनी अंतर्गत क्रांतीकारकांच्या व्यक्तीचित्रांचे प्रदर्शन आयोजित करण्यात आले आहे. हे प्रदर्शन शुक्रवार (ता. १५) पर्यंत बारामतीकरांसाठी खुले असेल.
चित्रकार श्रीकृष्ण कुलकर्णी यांच्या हस्ते प्रदर्शनाचे उद्‍घाटन करण्यात आले. कलाशिक्षक भारत काळे व अमित पाटील यांच्या पुढाकारातून प्रदर्शनाचे आयोजन केले आहे. यात पाचवी ते दहावीच्या विद्यार्थ्यांनी सहभाग घेत देशासाठी हौतात्म्य पत्करलेल्या क्रांतीकारकांची व्यक्तीचित्रे काढली होती. या प्रदर्शनामध्ये ४९७ चित्रे मांडण्यात आली आहेत. यावेळी मुख्याध्यापक धनंजय मेळकुंदे, उपमुख्याध्यापक सविता हिले, पर्यवेक्षक शेखर जाधव, भारत काळे, अमित पाटील, रेखा कुंभार आदी उपस्थित होते. भारत काळे यांनी प्रास्ताविक केले.