बारामती, ता. १६ : येथील उपविभागीय पोलिस अधिकारी सुदर्शन राठोड यांना गडचिरोलीमध्ये केलेला विशेष कामगिरीबद्दल विशेष सेवा पदक प्रदान करण्यात आले.
स्वातंत्र्य दिनाचे औचित्य साधून जिल्हा पोलिस अधीक्षक संदीपसिंह गिल यांच्या हस्ते त्यांना विशेष सेवा पदक प्रदान करण्यात आले. गडचिरोली येथे अडीच वर्षे बजावलेल्या सेवेमध्ये नक्षलवादी कारवाया रोखण्यासह कायदा व सुव्यवस्था राखण्यासाठी त्यांनी जे योगदान दिले त्याचा गौरव शासनाच्या वतीने करण्यात आला. दरम्यान, उपमुख्यमंत्री अजित पवार यांच्या हस्ते स्वातंत्र्यदिनी बारामतीत झालेल्या एका कार्यक्रमात त्यांना सन्मानित करण्यात आले.