बारामती, ता. २४ : शहरातील स्टेट बँक ऑफ इंडियाच्या शाखेमध्ये कॉइन मेळावा आयोजित केला होता. व्यापाऱ्यांना दैनंदिन व्यवसाय करताना नाण्यांची टंचाई जाणवते. व्यवहारात नाणी मिळत नसल्याने अडचणी उद्भवतात. यावर मार्ग काढण्यासाठी स्टेट बँकेने पुढाकार घेत कॉइन मेळावा आयोजित केला होता.
यावेळी उपविभागीय अधिकारी वैभव नावडकर, बारामती व्यापारी महासंघाचे संस्थापक नरेंद्र गुजराथी, अध्यक्ष सुशीलकुमार सोमाणी, किशोरकुमार शहा (सराफ), संभाजी किर्वे, शैलेश साळुंखे यांच्यासह अनेक मान्यवर या प्रसंगी उपस्थित होते. बँकेचे मुख्य व्यवस्थापक आदित्य गोगटे यांनी स्वागत केले. या उपक्रमातून दैनंदिन व्यवहारात सुट्ट्या पैशांच्या अडचणी काही प्रमाणात कमी होण्याची आशा त्यांनी व्यक्त केली.
सुशील सोमाणी यांनी व्यापाऱ्यांना स्टेट बँकेच्या उपक्रमाला साथ देण्याचे आवाहन केले. वैभव नावडकर यांच्या हस्ते प्रातिनिधिक स्वरूपात नाणी वाटप केले. प्रकाश निंबाळकर यांनी सूत्रसंचालन केले.