बारामती, ता. २६ : येथील सूर्यनगरीतील अनंत युवा प्रतिष्ठानच्या गणेश फेस्टिव्हलमध्ये यंदा रसिक बारामतीकरांसाठी कार्यक्रमांची रेलचेल आहे.
यानिमित्त गुरुवारी (ता. २८) संध्याकाळी पावणेपाच वाजता निवृत्ती महाराज इंदुरीकर यांचे कीर्तन होणार आहे. शुक्रवारी (ता. २९) व्वा काय प्लॅन हे विनोदी नाटक, ३० रोजी नेहा पाटील प्रस्तुत लावणीचा नजराणा हा कार्यक्रम होणार आहे. ३१ रोजी नृत्य स्पर्धा, १ सप्टेंबरला रणजित कांबळे प्रस्तुत एक तास बसा मनसोक्त हसा हा विनोदी कार्यक्रम, २ सप्टेंबर रोजी रवींद्र खोमणे यांचा तू आभाळ फेम लाइव्ह इन कॉन्सर्ट सादर होणार आहे. ३ रोजी सकाळी अकरा वाजता महिलांसाठी श्री गणेश अथर्वशीर्ष पठण होणार आहे. त्याच दिवशी संध्याकाळी महाराष्ट्राचा शाहिरी बाणा हा कार्यक्रम युवाशाहिर चंद्रकांत माने व ऋतुजा माने सहकारी सादर करणार आहेत. ४ रोजी कुंकुमार्चन हा सामुदायिक पूजा सोहळा होणार आहेत. त्याच दिवशी स्वाती बालटे यांचा होम मिनिस्टर कार्यक्रम होणार आहे. हे कार्यक्रम सूर्यनगरीतील ओपन स्पेस येथे होणार असल्याची माहिती संयोजक प्रवीण माने यांनी दिली. हे सर्व कार्यक्रम विनामूल्य खुले असतील.