बारामती, ता. २८ : पुरुषोत्तम करंडकाच्या प्राथमिक फेरीत येथील विद्या प्रतिष्ठान कला, विज्ञान व वाणिज्य महाविद्यालयाच्या संघातील दोन कलाकारांनी विशेष पारितोषिक प्राप्त केले.
महाविद्यालयाच्या संघाने मित्तर ही एकांकिका सादर केली. या एकांकिकेत नक्षलवादी प्रवृत्तीवर प्रकाश टाकत अहिंसा व शांततेच्या मार्गाचा संदेश देण्यात आला होता. प्रेक्षकांनी एकांकिकेला उत्स्फूर्त दाद दिली.
या एकांकिकेसाठी आदेश यादव यांनी मार्गदर्शन केले. या प्राथमिक फेरीत महाविद्यालयाच्या सुजल बर्गे याला अभिनयाचे उत्तेजनार्थ तर मयूरी निकम हिला दिग्दर्शनासाठी उत्तेजनार्थ पारितोषिक मिळाले.
महाविद्यालयाचे प्राचार्य डॉ. भरत शिंदे, उपप्राचार्य डॉ. श्यामराव घाडगे व डॉ. लालासाहेब काशीद यांनी विद्यार्थ्यांचे अभिनंदन केले. सांस्कृतिक समन्वयक डॉ. भीमराव मोरे, समिती सदस्य विजय काकडे, विद्यार्थी विकास अधिकारी डॉ. अमर भोसले आदींनी मार्गदर्शन केले.