बारामती, ता. २५ : येथील रोटरी क्लब ऑफ बारामतीतर्फे ‘बी सायबर सेफ’ या विषयावर विशेष जनजागृती सत्र आयोजित करण्यात आले आहे. सायबर सुरक्षेच्या वाढत्या गरजांवर प्रकाश टाकण्यासाठी हे सत्र आयोजित करण्यात आले असून, यामध्ये सायबर जनजागृती फाउंडेशनचे प्रमुख धनंजय देशपांडे हे प्रमुख वक्ते म्हणून मार्गदर्शन करणार आहेत. शनिवारी (ता. २७) संध्याकाळी सहा वाजता गदिमा सभागृहात हा कार्यक्रम होणार आहे. सर्वांसाठी प्रवेश विनामूल्य आहे. नागरिकांना आणि संस्थांना सायबर धोके, फसवणूक, आणि डिजिटल सुरक्षेबाबत जागरूक करणे, बँका, वित्तीय संस्था, स्वयंसेवी संस्था, शैक्षणिक संस्था आणि सामान्य नागरिकांसाठी यात मार्गदर्शन केले जाईल, अशी माहिती रोटरी क्लबच्या वतीने देण्यात आली.