बारामती, ता. १० : शहरातील कोष्टी गल्लीतील पान टपरीजवळ प्रतिबंधित मसाला गुटखा व सुगंधी सुपारी यांचा साठा, विक्री व खरेदी बंदी असतानाही विक्री करताना आढळून आल्याप्रकरणी शहर पोलिसांनी अबरार ऊर्फ बबलू रफिक शेख (वय २८, रा. कोष्टी गल्ली, बारामती) याच्याविरुद्ध गुन्हा दाखल केला आहे. गुरुवारी (ता. ९) पोलिसांनी मिळालेल्या माहितीच्या आधारे कारवाई करत २६ हजारांचा माल जप्त केला. या प्रकरणी पोलिस कर्मचारी ज्ञानदेव विष्णू क्षीरसागर यांनी फिर्याद दिली.