बारामती, ता. १२ : येथील बारामती तालुका राष्ट्रवादी शिक्षक सेलच्या वतीने गुणवंत मुख्याध्यापक, शिक्षक व शिक्षकेतर कर्मचाऱ्यांचा सन्मान करण्यात आला.
या प्रसंगी मुख्याध्यापक गणेश कालगावकर, शिक्षक अनिल गावडे, कमलाकर गायकवाड, संतोष पवार, सुनीता सोरटे, सुनीता गायकवाड, लिपिक विठ्ठल जरांडे, शिक्षकेतर कर्मचारी रामभाऊ जाधव, रमेश बनकर यांना सन्मानित करण्यात आले.
यावेळी तालुका राष्ट्रवादीचे अध्यक्ष राजवर्धन शिंदे, तर प्रमुख उपस्थितीमध्ये जिल्हा बँकेचे संचालक संभाजी होळकर, बाजार समिती सभापती विश्वास आटोळे, संजय देवकाते, सुनील बनसोडे, शंकरराव घाटगे, मनोहर खोमणे आदी उपस्थित होते.
बारामती तालुका राष्ट्रवादी शिक्षक सेलचे अध्यक्ष नागनाथ ठेंगल यांनी प्रास्ताविकात कार्यक्रमाची पार्श्वभूमी सांगितली. कुमार देवकाते यांनी सूत्रसंचालन केले.

13812