बारामती, ता. १४ : राज्यस्तरीय ‘इंद्रधनुष्य २०२५ स्पर्धेत’ महात्मा फुले कृषी विद्यापीठाने द्वितीय पारितोषिक पटकाविले. या स्पर्धेमध्ये विद्या प्रतिष्ठान कृषीजैवतंत्रज्ञान महाविद्यालय बारामतीच्या विद्यार्थिनींनी सहभाग घेतला होता.
राहुरीतील महात्मा फुले कृषी विद्यापीठाच्या इंद्रधनुष्य (युवा महोत्सव) स्पर्धेत विद्या प्रतिष्ठान कृषीजैवतंत्रज्ञान महाविद्यालयाचे चार विद्यार्थी सहभागी झाले होते. त्यांनी लोकनृत्य, नाटक (थिएटर), माइम (मूक अभिनय) आणि फोक ऑर्केस्ट्रा या स्पर्धांमध्ये सहभाग नोंदवला. अवनी सावळे (माइम) आणि आराधना डुकरे (लोकनृत्य, नाटक) यांनी यात यश संपादन केले. जळगाव येथे झालेल्या स्पर्धेत हे यश संपादन केले. डॉ. विलास आवारी यांनी मार्गदर्शन केले. प्राचार्या डॉ. सुमन देवरुमठ, सांस्कृतिक विभाग प्रमुख प्रतिक्षा भगत यांनी मार्गदर्शन केले.