बारामती, ता. २ : ज्येष्ठ नागरिकांना पर्यटनाचे आमिष दाखवून त्यांची फसवणूक करणाऱ्या आदम मेहबूब सय्यद (रा. पवारवाडी, ता. फलटण, जि. सातारा) यास बारामती शहर पोलिसांनी दोन वर्षांनंतर अटक केली.
बारामतीतील ज्येष्ठ नागरिकांना ‘सिक्कीम- दार्जिलिंग पर्यटन टूर आयोजित करून देतो’ असे आमिष दाखवत वेळोवेळी दोन लाख दहा हजार रुपये घेऊन त्याचा अपहार करणाऱ्या आदम सय्यद याच्याविरूद्ध बारामती शहर पोलीस ठाण्यात जून 2023मध्ये गुन्हा दाखल केला होता. गुन्हा दाखल झाल्यापासून संशयित आदम सय्यद पोलिसांना गुंगारा देत होता. बारामती शहर पोलिस ठाण्याचे पोलिस निरिक्षक श्रीशैल्य चिवडशेट्टी यांच्या मार्गदर्शनाखाली पोलीस हवालदार रामचंद्र शिंदे, सुलतान डांगे, पोपट कवीतके, गिरीश नेवसे यांनी तांत्रिक विश्लेषण, गोपनीय माहितीच्या आधारे कारवाई करत त्यास ताब्यात घेतले.