चाकण, ता.२८ : कोयाळी भानोबाची (ता. खेड) येथे महात्मा फुले कृषी विद्यापीठ, राहुरी अंतर्गत डॉ. डी. वाय. पाटील कृषी व्यवसाय व्यवस्थापन महाविद्यालय आकुर्डी येथून आलेल्या चतुर्थ वर्षात शिकणाऱ्या कृषिदूतांचे ग्रामपंचायत व ग्रामस्थांनी, शेतकऱ्यांनी स्वागत केले.
कृषिदूत कोयाळी येथील पिकांची पाहणी व पीक पद्धतीचा अभ्यास करून संकरित बियाणांची माहिती देणार आहेत. शेतीपूरक व्यवसाय या विषयावर शेतकऱ्यांना मार्गदर्शन करणार आहेत. तसेच रासायनिक खतांचा वापर कमी करून सेंद्रिय खतांचा वापर वाढवणे त्याचबरोबर सेंद्रिय खतांचे महत्त्व पटवून देणार आहेत.
कृषी कार्यानुभव कार्यक्रमांत कृषिदूत अमरसिंह पाटील, समर्थ निंबाळे, विराजराजे गोरे, प्रणव गुणावरे, स्वराज खोमणे, निशांत शिंदे आदी सहभागी झाले आहेत. यावेळी सरपंच विकास भिवरे, उपसरपंच ऊर्मिला कोळेकर, ग्रामसेवक बापू गव्हाणे आदींनी कृषिदूतांचे स्वागत केले. कार्यक्रमासाठी डॉ. डी. वाय पाटील कृषी व्यवसाय व्यवस्थापन महाविद्यालयाचे प्राचार्य डॉ. एम.डी जगताप, समन्वयक एस. एन. पाटील, कृषी व्यवसाय तज्ज्ञ प्रा. एम.बी. निचित यांचे मागदर्शन लाभले.