चाकण, ता. २१ : चाकण औद्योगिक वसाहतीमुळे काही गावात बैलांची संख्या मोठ्या प्रमाणात घटली आहे. मातीचे बैल विकत घेऊन त्यांची पूजा करून अनेकांनी बैलपोळा उत्साहात साजरा केला. काही शेतकऱ्यांनी मोठ्या उत्साहात बैलपोळ्यानिमित्त बैलांची मिरवणूक डीजे वाद्यांच्या गजरात पारंपरिक वाजंत्री वाद्यांच्या गजरात गावातून काढली.
बैपोळा सणानिमित्त शेतकऱ्यांनी सकाळच बैलांना धुतले व सजावटीच्या विविध साहित्यांनी त्यांना सजवले. हल्ली मोठ्या प्रमाणात ट्रॅक्टरने शेती केली जात असली तरी पारंपरिक शेतीला महत्त्व आहे. शेतीची मशागत, पेरणी करणाऱ्या बैलांना तसेच बैलगाडा शर्यतीच्या घाटातील बैलांना सजवले होते व त्यांची मिरवणूक गावातून काढण्यात आली. भंडाराची उधळण करण्यात आली. फटाक्यांची आतषबाजी करण्यात आली. मिरवणूकीवरून बैल घरी आल्यानंतर यावेळी कुटुंबातील महिलांनी तसेच शेतकरी बांधवांनी सर्व बैलांची मनोभावे पूजा करून त्यांच्याप्रती कृतज्ञता व्यक्त केली.