चाकण, ता. ३० : येथील पुणे-नाशिक महामार्गावर तळेगाव चौकाच्या पुढे वाघे वस्तीजवळ पाठीमागून येणाऱ्या क्रेनने मंगळवारी (ता. २८) दुपारी पुढील दुचाकीला जोरात ठोकर दिली आणि काही अंतरावर दुचाकीस्वारास ओढत नेले. या अपघातात अतुल भोंडवे (वय ३९, रा. सांगवडे, ता. मावळ) असे गंभीर जखमी झाला आहे.
अतुल त्याच्यावर पिंपरी-चिंचवड येथील खासगी रुग्णालयात उपचार सुरू आहेत. क्रेनचालकाने क्रेन हयगयीने बेदरकारपणे चालवली व पाठीमागून दुचाकीला जोराची धडक दिली व दुचाकी चालकाला दुचाकीसहीत काही अंतर ओढत नेले. यामुळे भोंडवे गंभीर जखमी झाला तसेच दुचाकीचेही मोठ्या प्रमाणात नुकसान झाले. त्यावेळी आजूबाजूचे लोक गोळा झाले त्यांनी क्रेन थांबवली. पोलिसांनी याप्रकरणी क्रेन (क्रमांक एम एच १४ सीए -९९३६) च्या चालकावर जखमी फिर्यादी भोंडवे यांच्या तक्रारीनुसार गुन्हा दाखल केला आहे.