मंचर, ता. १८ : मंचर नगरपंचायत निवडणुकीत नगराध्यक्षपदासाठी एकूण नऊ उमेदवारी अर्ज दाखल झाले होते. त्यापैकी दोन अर्ज अवैध ठरले आहेत. एकूण १७ प्रभागात नगरसेवकपदासाठी एकूण ११४ उमेदवारी अर्ज दाखल झाले होते. त्यापैकी २२ अर्ज अवैध ठरले आहेत, अशी माहिती निवडणूक निर्णय अधिकारी अंजली कुलकर्णी व सहाय्यक निवडणूक निर्णय अधिकारी तथा मुख्य अधिकारी गोविंद जाधव यांनी दिली.
नगराध्यक्षपदासाठी अवैध ठरलेल्यांमध्ये मंचरच्या माजी सरपंच मीरा बाणखेले व प्राची आकाश थोरात यांचा समावेश आहे. प्राची थोरात यांनी एकूण दोन उमेदवारी अर्ज भरले होते. भाजपकडून एबी फॉर्म न मिळाल्याने त्यांचा एक अर्ज अवैध झाला असला, तरी त्यांचा अपक्ष म्हणून नगराध्यक्षपदाचा उमेदवारी अर्ज वैध ठरला आहे.