चास, ता. २० : ‘‘न्यूक्लियस बजेट योजना या योजनेअंतर्गत जास्तीत जास्त लोकांनी फायदा घ्यावा. आदिम कातकरी जमातीने शिक्षणाच्या प्रवाहात येऊन स्वतःचा सर्वांगीण विकास करावा’’, असे स्पष्ट मत सहाय्यक प्रकल्पाधिकारी सोनूल कोतवाल यांनी केले.
डेहणे (ता. खेड) येथे आयोजित धरती आबा जनभागीदारी अभियानाचे आयोजन केले होते. यावेळी अनुसूचित जमातीतील ११० कातकऱ्यांना रेशनकार्डचे वाटप करण्यात आले. महाराष्ट्र शासनाच्या वतीने १५० वे जनजातीय गौरव वर्ष साजरे करण्यात येत असून धरती आबा जनभागीदारी अभियान १५ जून ते ३० जून दरम्यान साजरे करण्यात येत आहे. त्याचाच एक भाग म्हणून आदिवासी विकास विभाग प्रकल्प अधिकारी एकात्मिक आदिवासी विकास प्रकल्प घोडेगावचे प्रकल्प अधिकारी प्रदीप देसाई यांच्या मार्गदर्शनाखाली डेहणे येथील शासकीय आदिवासी मुलींचे वसतिगृहात धरती आबा जनभागीदारी अभियान आयोजित केले होते. या कार्यक्रमाच्या अध्यक्षस्थानी सहाय्यक प्रकल्पाधिकारी सोनूल कोतवाल होते तर प्रमुख उपस्थितांत आर. ए. जाधव, माधव सूर्यवंशी, खेड कृषी उत्पन्न बाजार समितीचे माजी उपसभापती विठ्ठल वनघरे, प्रभाकर डामसे, गोरेगावचे सरपंच विठ्ठल गवारी, धुवोलीचे सरपंच भिमाजी लांघी, टोकावडेचे सरपंच शंकर मोरमारे, गेणभाऊ वाजे, बिरसा ब्रिगेडचे दिपराज हांडे, वसतीगृहाच्या गृहपाल रेणुका जाधव, नीलेश रायकर, नीलेश शिंदे यांसह अनेक मान्यवर उपस्थित होते
माधव सूर्यवंशी यांनी प्रास्ताविक तर रेणुका जाधव यांनी सूत्रसंचालन केले. विठ्ठल वनघरे यांनी आभार मानले.

03507