खोडद, ता. ९ : मांजरवाडी (ता. जुन्नर) येथील जिल्हा परिषद आदर्श प्राथमिक शाळेतील २३५ विद्यार्थ्यांना स्टेनलेस स्टीलच्या पाण्याच्या बाटल्यांचे वाटप करण्यात आले. येथील युवा उद्योजक विजय मुळे यांनी त्यांचा मुलगा अथर्व याच्या वाढदिवसाचा खर्च टाळून जिल्हा परिषदेच्या विद्यार्थ्यांना ४५ हजार रुपये किमतीच्या पाण्याच्या बॉटल भेट दिल्या.
मुळे हे गुजरातमध्ये व्यवसाय करतात. त्यांनी यापूर्वी गावाप्रती आपल्या मनात असलेली आत्मीयता, निष्ठा जपत सामाजिक बांधिलकीची जाणीव ठेवून शाळेसाठी बगीचा संगणक, वॉटरकुलर स्वखर्चाने दिले आहे. सामाजिक बांधिलकी जपत कुटुंबाने आजपर्यंत गावच्या विकासात मोठे योगदान दिले आहे. यावेळी सरपंच सारिका गायकवाड, उपसरपंच संतोष मोरे, शालेय व्यवस्थापन समितीचे अध्यक्ष किरण थोरात, सदस्य वैभव मुळे, अरुण मुळे, शिवाजी मुळे आदी उपस्थित होते. मुळे आणि त्यांच्या कुटुंबीयांनी गावासाठी दिलेल्या योगदानाबद्दल सरपंच संतोष मोरे यांनी त्यांचे आभार मानले.