दौंड : दौंड शहरात नॅशनल इंटिग्रेटेड मेडिकल असोसिएशन (निमा) वूमन्स फोरमच्या वतीने २५ औषधी रोपांची लागवड करण्यात आली. शहरातील राज्य राखीव पोलिस दल गट क्रमांक पाचचे समादेशक सोमनाथ वाघचौरे यांच्या उपस्थितीत गट दवाखान्याच्या प्रांगणात ही रोपे लावण्यात आली. निमा वूमन्स फोरमच्या अध्यक्षा डॉ. मनीषा वैद्य, सचिव डॉ. सुरेखा भोसले, कोषाध्यक्षा डॉ. रीना बोरा आदी सदस्य यावेळी उपस्थित होते.