दौंड, ता. २६ : दौंड शहरातील एका दुकानदाराला मारहाण केल्याप्रकरणी चौघांविरुद्ध गुन्हा दाखल करण्यात आला आहे. या बाबत दौंड पोलिसांनी माहिती दिली. शहरातील कोहिनूर कॅाम्पलेक्समधील विद्यूत उपकरण विक्रेता अब्दूल माजीद दस्तगीर शेख (रा. पाटील चौकाजवळ, दौंड) याने या प्रकरणी फिर्याद दाखल केली आहे. दुकानाच्या वाटेवर काही बॅाक्स ठेवल्यावरून झालेल्या वादातून मंगळवारी (ता. २४) दुकानाशेजारील दिवेश रमेश राठोड, प्रमोद बाबूलाल राठोड, महेंद्र बाबूलाल राठोड (तिघे रा. छत्रपती शिवाजी महाराज चौक, दौंड) व पवन बाळू निकम (रा. शालीमार चौक, दौंड) यांनी शिवीगाळ करून मारहाण केल्याचे फिर्यादीत नमूद केले आहे. हवालदार राहुल घाडगे पुढील तपास करीत आहे.