दौंड, ता. २७ : रोटरी क्लब ऑफ दौंडच्या अध्यक्षपदी दीपक शासम व सचिवपदी प्रज्ञा राजोपाध्ये यांची निवड करण्यात आली आहे. दौंड शहरात पार पडलेल्या पदग्रहण समारंभास रोटरी इंटरनॅशनल डिस्ट्रिक्ट ३१३१ चे २०२५ - २०२६ या वर्षाचे प्रांतपाल संतोष मराठे यांची प्रमुख उपस्थिती होती. सहायक प्रांतपाल नरेंद्र गांधी (इंदापूर) यावेळी उपस्थित होते. संतोष मराठे यांच्या हस्ते क्लबच्या नूतन कार्यकारिणी सदस्यांना यावेळी पीन प्रदान करण्यात आली.
नूतन अध्यक्ष शासम यांनी क्लब सचिव म्हणून यापूर्वी काम पाहिले असून शहरातील ऐश्वर्या शासम फाउंडेशनचे संचालक म्हणून ते समाजकार्यात सक्रिय आहेत. तर नूतन सचिव प्रज्ञा महेश राजोपाध्ये या प्रमाणित योग प्रशिक्षक असून क्लब आणि रोटरीमध्ये जिल्हापातळीवर विविध सेवा पदांवर काम पाहिले आहे. क्लबचे कार्यकारिणी सदस्य पुढीलप्रमाणे : सविता भोर, पायल भंडारी, सुनील ढगे, नीतेश पोकार, डॉ. राजेश दाते, डॉ. मुकुंद भोर, डॉ. फिलोमन पवर, हरिश्चंद्र ठोंबरे, राकेश अग्रवाल, सुशील शहा, प्रफुल्ल भंडारी, डॉ. प्रा. संजय इंगळे, उल्हास मिसाळ, नवनाथ गोरे, चांगदेव शेलार, शालिनी पवार, मोहिनी सुरवसे, सुषमा अडसूळ, अमिर शेख, शीला वाघमारे, डॉ. रोहन खवटे, प्रमोद खांगल.