देऊळगाव राजे, ता.२६ : देऊळगाव राजे (ता. दौंड) येथील औषध विक्रेता संघाच्या वतीने मुख्यमंत्री समृद्ध पंचायतराज अभियानांतर्गत गावातील सर्व कुटुंबांना कापडी पिशव्यांचे वाटप करण्यात आले. पर्यावरणपूरक व प्लॅस्टिक मुक्त गाव या संकल्पनेला ग्रामस्थांकडून मोठा प्रतिसाद मिळत आहे.
यावेळी दौंड केमिस्ट असोसिएशनचे श्याम दावरा, राहुल भंडारी, मोनाली भंडारी, डॉ. संजय वाघमोरे, डॉ. अर्चना वाघमोरे, डॉ. सीमा जगदाळे, डॉ. स्वाती सातव, जयवंत गिरमकर, हरी अवचर, वैद्यकीय अधिकारी डॉ. दिनेश खानसाळे, हरिभाऊ अवचर, रुकसाना तडवी, पूजा पोळ, ग्रामविकास अधिकारी अमीर शेख आदी उपस्थित होते.
अमीर शेख यांनी ग्रामस्थांना प्लॅस्टिक मुक्तीबाबत मदतीचे आवाहन केले होते. त्या आवाहनाला तत्काळ प्रतिसाद देत गावातील औषध विक्रेता संघाचे संदीप पोळ व त्यांच्या सहकाऱ्यांनी १००० कापडी पिशव्या तयार करून ग्रामपंचायती मार्फत वाटप केले.
दरम्यान, या सामाजिक उपक्रमाचे सर्व ग्रामस्थांनी कौतुक केले. कार्यक्रमाचे सूत्रसंचालन अमीर शेख यांनी, तर संदीप पोळ यांनी आभार मानले.

00652