घोडेगाव, ता. ८ : घोडेगाव (ता. आंबेगाव) येथील क्रांतिवीर लायन हॉर्टेड होनाजी भागुजी केंगले, शासकीय औद्योगिक प्रशिक्षण संस्था, येथे शिवराज्याभिषेक दिन सोहळा उत्साहात झाला.
त्यानिमित्ताने संस्थेमध्ये आभासी पद्धतीने मुख्यमंत्री देवेंद्र फडणवीस यांच्या हस्ते उद्‍घाटन झाले.
हा कार्यक्रम कौशल्य, रोजगार, उद्योजकता आणि नावीन्यता मंत्री मंगलप्रभात लोढा यांच्या संकल्पनेतून झाला. विभागाच्या प्रधान सचिव मनीषा वर्मा यांनी प्रशिक्षणार्थ्यांना व्हिडिओ संदेशाद्वारे मार्गदर्शन केले. प्रकल्प अधिकारी प्रदीप देसाई हे कार्यक्रमाचे प्रमुख अतिथी म्हणून उपस्थित होते. त्यांनी सामाजिक समरसता या विषयावर मार्गदर्शन केले. आंबेगाव तालुक्याचे नायब तहसीलदार सचिन वाघ यांनी नागरिक कर्तव्य आणि शिष्टाचार
या विषयावर मार्गदर्शन केले. सामाजिक कार्यकर्ते राजेश कामठे प्रमुख वक्ते म्हणून उपस्थित होते. त्यांनी ‘कुटुंब प्रबोधन’ या विषयावर मार्गदर्शन केले. यावेळी मनोहर चव्हाण, योगेश चपटे, केदार रसाळ उपस्थित होते.
याप्रसंगी संस्थेचे गटनिदेशक गणेश पापडे यांनी संस्थेची माहिती दिली. स्वागत आणि पाहुण्यांचा परिचय दीपाली हांडे-कुलकर्णी यांनी केला. सूत्रसंचालन अमृता भालेराव यांनी तर आभार सतीश खराडे यांनी मानले.