घोडेगाव, ता. ७ ः घोडेगाव (ता. आंबेगाव) येथील शासकीय औद्योगिक प्रशिक्षण संस्थेच्या (आयटीआय) वतीने जनता विद्या मंदिर येथे वंदे मातरम गीताचा सामूहिक गायन कार्यक्रम पार पडला. आंबेगाव तालुक्याचे तहसीलदार संजय नागटिळक यांच्या अध्यक्षतेखाली हा कार्यक्रम झाला. या वेळी कार्यक्रमातील प्रमुख वक्ते प्रभाकर पाटील, तहसीलदार नागटिळक, पांडुरंग महाराज येवले, गटविकास अधिकारी अर्चना कोल्हे यांनी यांनी विद्यार्थ्यांना मार्गदर्शन केले.
कार्यक्रमामध्ये आयटीआय व जनता विद्या मंदिर येथील विद्यार्थ्यांनी वंदे मातरम गीतावर आधारित लघु नाटिका सादर केली. तसेच, आयटीआय मधील निबंध व वक्तृत्व स्पर्धेतील विजेत्यांना प्रशस्तीपत्रके देऊन गौरविण्यात आले. या प्रसंगी आंबेगाव तालुका विद्या विकास मंडळाचे अध्यक्ष तुकाराम काळे, पोलिस निरीक्षक सागर पवार, राजेश काळे, प्रशांत काळे, जितेंद्र फडके, जयेश शिंदे, प्रथमेश निघोट, योगेश चपटे, केदार रसाळ, विशाल सराफ उपस्थित होते.
कार्यक्रमाचे सूत्रसंचालन विस्ताराधिकारी कांताराम भोंडवे, सुरेश हगवणे यांनी केले. तुकाराम काळे यांनी आभार मानले. घोडेगाव आयटीआयचे प्राचार्य उदय सूर्यवंशी, गटनिदेशक गणेश पापडे यांच्या मार्गदर्शनाखाली हा कार्यक्रम पार पडला.