घोडेगाव, ता. १४ : ‘‘प्रौढावस्थेमध्ये आनंद प्राप्त करण्यासाठी चांगले ग्रंथ, पुस्तके वाचणे हा खरा व्यायाम आहे. सकाळी लवकर उठून थोडाफार सहन होईल एवढाच योगा करणे, चालणे, झाडांना पाणी देणे, या गोष्टी आनंद देणाऱ्या आहेत. या गोष्टींसाठी गरीबी किंवा श्रीमंती असावी लागते असे नाही,’’ असे प्रतिपादन माजी प्रा. शरद घोडेकर यांनी केले.
घोडेगाव (ता. आंबेगाव) येथील श्री हरिश्चंद्र महादेव ज्येष्ठ नागरिक संघ यांचे वतीने ‘उद्याच्या आनंदासाठी’ या विषयावर व्याख्यान आयोजित केले होते. याप्रसंगी माजी प्रा. शरद घोडेकर बोलत होते. यावेळी संघाचे अध्यक्ष विजय काळे, उपाध्यक्ष विलास शिंदे, सचिव अशोक काळे, सहसचिव जयसिंग काळे, कोषाध्यक्ष ज्ञानेश्वर पानसरे, खजिनदार विजयराव काळे आदी उपस्थित होते.