घोडेगाव, ता. १७ ः नारोडी (ता. आंबेगाव) येथील श्री मुक्तादेवी विद्यालयात महाराष्ट्र राज्य कृषी संचालक दिवंगत शंकरराव भिमाजी घोडेकर यांच्या बाराव्या पुण्यस्मरणानिमित्त त्यांचे बंधू डॉ. एकनाथ घोडेकर यांच्या माध्यमातून गुरुकुल प्रकल्पाअंतर्गत बाह्य व्याख्याता कार्यक्रमाचे आयोजन करण्यात आले होते.
‘हे जीवन सुंदर आहे’ या विषयावर राजगुरुनगर येथील माऊली सेवा प्रतिष्ठानचे संस्थापक अध्यक्ष एस. टी. दुधाळे यांनी विद्यार्थ्यांना मार्गदर्शन केले. कवी नामदेव हुले यांनी प्रबोधनात्मक काव्यवाचन केले.
यावेळी ज्येष्ठ नागरिक संघाचे अध्यक्ष सोपानराव हुले, श्री मुक्तादेवी ग्रामविकास संस्थेचे अध्यक्ष दगडू बंगाळ, विविध विकास कार्यकारी सोसायटीचे अध्यक्ष विलास हुले, स्कूल कमिटी सदस्य नवनाथ हुले, योगा शिक्षक शंकर पिंगळे, शंकर हुले, निवेदक सिद्धेश पिंगळे, सुभाष हुले, चंद्रकांत खेडकर, मीरा खेडकर, मंदा कानडे, शिक्षक विठ्ठल काठे आदी उपस्थित होते.
प्रास्ताविक मुख्याध्यापक रोहिदास साळी यांनी केले. सूत्रसंचालन दत्तात्रय भोर यांनी केले.