गराडे, ता. २९ : दिवे (ता. पुरंदर) येथील परिसरातील महिलांनी एकत्र येत नागपंचमीचा सण उत्साहात साजरा केला.
महिलांनी सकाळी वारुळाच्या ठिकाणी जाऊन पूजा करीत नागदेवतेची आराधना केली. या सणानिमित्त महिलांनी उपवास धरला होता. महिलांनी एकत्र येत फेर धरुन सणाचा आनंद घेतला.
रात्रीही महिलांनी एकत्र येत फेर धरला, झोका घेत गाणी गायली. फुगडीचे उखाणे गायले. नागपंचमीच्या सणानिमित्त दिवसभर शेतातील कामे बंद ठेवण्यात आली होती. दुपारनंतर एकत्र येत दिवे परिसरातील महिलांनी माळावरील वारूळाचे पूजन केले नंतर श्री कातोबानाथ मंदिरासमोर व ज्ञानगिता आश्रमातील विठ्ठल रखुमाई मंदिरात महिलांनी फेऱ्यावरील गाणी उखाणे फुगडी खेळत नागपंचमीचा सण उत्साहात साजरा केला.
यावेळी दिवे गावच्या माजी उपसरपंच रूपाली झेंडे, माजी ग्रामपंचायत सदस्या अरुणा झेंडे, रेखा झेंडे, माधवी झेंडे, दिव्या झेंडे, रेश्मा झेंडे, अश्विनी झेंडे, पुष्पा झेंडे, वैशाली झेंडे उपस्थित होत्या.