सासवड शहर, ता.१२ : ग्राहक कल्याण फाउंडेशन, महाराष्ट्र राज्य या राज्यव्यापी संघटनेचा सातवा वर्धापन दिन सासवड येथील आचार्य अत्रे प्रतिष्ठान सभागृहात शनिवारी (ता. ९) मोठ्या उत्साहात साजरा करण्यात आला.
यावेळी संघटनेचे संस्थापक अध्यक्ष तुकाराम महाराज निंबाळकर तसेच कार्याध्यक्ष विकास महाजन, राज्य कार्यकारिणी पदाधिकारी उत्तम झेंडे, संतोष मगर, संतोष काकडे, पुरंदर तालुका अध्यक्ष रामदास मेमाणे, सुभाष काळे, शिवाजी सुळके, बबनराव काळे आदी उपस्थित होते. यावेळी संघटनेचे उपाध्यक्ष स्व. रामचंद्र तांबे यांच्या प्रथम स्मृतिदिनानिमित्त त्यांना अभिवादन करण्यात आले. संघटनेचे राज्य समन्वय समिती अध्यक्ष सतीश साकोरे, उपाध्यक्ष अस्लम तांबोळी यांनी कार्यक्रमास शुभेच्छा दिल्या.