गराडे, ता. २३ : झेंडेवाडी (ता. पुरंदर) येथे कृषिकन्यांनी ग्रामीण कृषी जागरूकता आणि कृषी औद्योगिक कार्यानुभव कार्यक्रमाअंतर्गत गावच्या नकाशाबाबत जनजागृती देण्यात आली. राहुरी अंतर्गत कृषी महाविद्यालय पुणे येथील चतुर्थ वर्षात शिकणाऱ्या कृषिकन्या संजना आढाव, स्नेहल भोसले, मानसी ढोबळे, ज्ञानेश्वरी गायकवाड, राधिका घोरपडे, सिद्धी जाधव, अक्षदा पाटील, दिशा पवार यांनी गावाचा नकाशा तयार करून माहिती दिली.
जिल्हा परिषद शाळा व ग्रामपंचायत झेंडेवाडी यांच्या वतीने कृषिकन्यांचा सत्कार करण्यात आला. या कार्यक्रमासाठी कृषी महाविद्यालय पुणेचे सहयोगी अधिष्ठाता डॉ. महानंद माने, केंद्र प्रमुख व समन्वयक डॉ. विजय तरडे, कार्यक्रम अधिकारी डॉ. पल्लवी सूर्यवंशी यांचे मोलाचे मार्गदर्शन लाभले. यावेळी मुख्याध्यापिका चित्रलेखा भिरूड, शिक्षिका मीना कांबळे आणि साधना गवळी तसेच शाळेतील विद्यार्थी, विद्यार्थिनी उपस्थित होते.