सासवड शहर, ता. २७: सासवड परिसरात सायंकाळी पाच वाजता वादळी वाऱ्यासह दमदार पावसाने हजेरी लावली. शहरात सोमवारी सासवडचा आठवडे बाजार असतो. पावसाने अचानक वाऱ्यासह जोरदार हजेरी लावल्यामुळे भाजी विक्री विक्रेत्यांची मोठी धांदल उडाली. भाजी मंडईतून ओढे वहावेत, असे पाणी वाहत होते. सोमवारचे भाजी मंडईत बरेच छोटे व्यापारी रस्त्याच्या बाजूस आपल्या आपल्या भाज्या घेऊन बसलेले असतात. अचानक आलेल्या पावसाने या छोटे व्यापाऱ्यांचा बराच माल पावसात वाहून गेला असल्याचे माहिती बाजारपेठेतील व्यावसायिक केरूभाऊ शिंदे यांनी दिली.
अर्धा तासात १७ मिलिमीटर पावसाची नोद झाली. एक जून ते आजअखेर ४४३ मिलिमीटर पावसाची नोंद झाली असल्याची माहिती आचार्य अत्रे वेधशाळा व्यवस्थापक नितीन यादव यांनी दिली.