इंदापूर, ता. २३ : रूबी हॉल क्लिनिक पुणे यांच्या वतीने इंदापूर येथे गुरुवारी (ता. २५) हृदयरुग्णांसाठी मोफत तपासणी शिबिराचे आयोजन केले आहे. यामध्ये इंदापूर येथील रूबी मेडिकल सर्व्हिसेसमध्ये सकाळी ११ ते दुपारी १ यावेळेत तपासणी शिबिर होणार आहे. या शिबिरात पुणे येथील रूबी हॉल क्लिनिकचे हृदयरोगतज्ज्ञ रुग्णांची तपासणी करणार आहेत. छातीत दुखणे, दम लागणे, अस्वस्थ होणे, घाम येणे, गुदमरणे, तसेच रक्तातील साखरेचे प्रमाण कमी किंवा जास्त असणे आदी लक्षणे असतील त्यांनी या सेवेचा लाभ घ्यावा, असे आवाहन रूबी हॉल क्लिनिकचे वरिष्ठ व्यवस्थापक संतोष दसासे, तसेच इंदापूर येथील रूबी मेडिकल सर्व्हिसेसचे व्यवस्थापक ज्ञानदेव शेंडे यांनी केले.