इंदापूर, ता. ८ : शहरातील बाबा चौकातून संशयितरीत्या वावरणाऱ्या दोन दुचाकी चोरांना इंदापूर पोलिसांच्या गुन्हे शोध पथकाने ताब्यात घेतले. त्यांच्याकडून ८० हजार रुपये किमतीच्या दोन मोटारसायकली जप्त करण्यात आल्या.
सलीम मेहबूब शेख (वय २८) व नितीन सखाराम हरिहर (वय ३५, दोघे रा. मदनवाडी, ता.इंदापूर) असे ताब्यात घेण्यात आलेल्यांची नावे आहेत. इंदापूरचे पोलिस निरीक्षक विलास नाळे यांच्या मार्गदर्शनाखाली साहाय्यक पोलिस निरीक्षक जीवन मोहिते व गुन्हे शोध पथकाचे अंमलदार तुषार चव्हाण, अंकुश माने, सूरज गुंजाळ, विनोद लोखंडे, योगेश करचे यांचे पथक शुक्रवारी (ता. ७) रात्री गस्तीवर असताना शहरातील बाबा चौकात दोन व्यक्ती दुचाकीवर संशयितरीत्या फिरताना आढळून आल्या. पोलिसांनी त्यांना ताब्यात घेत त्यांच्याकडे सखोल चौकशी केली असता त्यांनी दोन दुचाकी चोरी केल्याचे कबूल केले. दरम्यान, ही कामगिरी पोलिस अधीक्षक संदीपसिंह गिल, अप्पर अधीक्षक गणेश बिरादार, उपविभागीय पोलिस अधिकारी डॉ. सुदर्शन राठोड यांच्या मार्गदर्शनाखाली इंदापूरचे निरीक्षक विलास नाळे, साहाय्यक निरीक्षक शंकर राऊत, जीवन मोहिते, गुन्हे शोध पथकाचे पोलिस अंमलदार तुषार चव्हाण, सूरज गुंजाळ, अंकुश माने, विनोद लोखंडे, योगेश करचे यांनी केली.

06588