जेजुरी, ता. २४ ः जवळार्जुन (ता. पुरंदर) येथे महाराष्ट्रभर सेवा पंधरवडानिमित्त प्राथमिक केंद्राअंतर्गत आरोग्य शिबिर पार पडले. यामध्ये सुमारे १०७ नागरिकांची तपासणी करण्यात आली. सेवा पंधरवडा अंतर्गत विविध उपक्रम राबविण्यात येत आहेत. येथील अस्मिता भवनात सकाळी साडेदहा ते दुपारी तीन या वेळात हे शिबिर पार पडले. याच शिबिरात आयुष्मान भारत कार्ड ही काढून देण्यात आली. या शिबिरात विविध तपासण्या करण्यात आल्या. यामध्ये ज्येष्ठ नागरिक महिला भगिनी व प्राथमिक शाळा जवळार्जुन गावठाण येथील विद्यार्थ्यांनी सहभाग नोंदवला. स्वस्त नारी सशक्त परिवार अभियान या उपक्रमांतर्गत आरोग्य निरिक्षक राजेंद्र शिवली, समुदाय आरोग्य अधिकारी सुमेध खिलारे, आरोग्य सेवक युगांत बिन्नर यांनी तपासणी केली. आशा सेविका शोभा कारंडे, सोनाली पवार यांनी आयुष्मान भारत कार्ड काढून दिले,
अशी माहिती सेवा पंधरवडा अभियान संयोजक भाजप पुरंदर पूर्व मंडलचे ओबीसी मोर्चा अध्यक्ष श्रीकांत राणे यांनी दिली.