जेजुरी, ता. २५ ः जेजुरीतून पुण्याकडे जाण्यासाठी पुणे महानगर परिवहन मंडळाची बस सुरू झाली आहे. सकाळी साडेसहा वाजता बस सुटणार आहे. मार्तंड देवसंस्थानचे मुख्य विश्वस्त मंगेश घोणे यांच्या उपस्थितीत या बसचा शुभारंभ करण्यात आला.
पुणे महानगर परिवहन महामंडळ यांच्या वतीने जेजुरीपर्यंत बस आहेत. मात्र, सकाळी लवकर विद्यार्थी व कामगार यांच्यासाठी बस नसायची. घोणे यांनी यासाठी पाठपुरावा केल्यानंतर आता दररोज सकाळी साडेसहा वाजता एमआयडीसीतून पुण्याकडे जाणारी बस सुटणार आहे. यावेळी मार्तंड देवसंस्थानचे मुख्य विश्वस्त मंगेश घोणे, महानगर परिवहन मंडळाचे विभागीय नियंत्रक अशोकराव चव्हाण, सामाजिक कार्यकर्ते किरण दावलकर, गोपाल मोहरकर, रामभाऊ जाधव आदी उपस्थित होते.

03328