जेजुरी : पुरंदर तालुक्यातील जेजुरी नगरपरिषदेच्या निवडणुकीसाठी रविवारी (ता. १६) नगरसेवकपदासाठी ३४ तर नगराध्यक्षपदासाठी २ अर्ज दाखल झाले आहेत. तर आतापर्यंत नगरसेवकपदासाठी ४४ तर नगराध्यक्षपदासाठी तीन असे एकूण ४७ उमेदवारी अर्ज दाखल करण्यात आले आहेत. शनिवारी (ता. १५) अखेर नगरसेवकपदासाठी १० तर नगराध्यक्षपदासाठी एक अर्ज दाखल झाला होता. तर रविवारी सुमारे ३४ जणांनी नगरसेवकपदासाठी अर्ज दाखल केले. नगराध्यक्षपदासाठी शिवसेना शिंदे गटाकडून दिनेश दिलीप सोनवणे व सामाजिक कार्यकर्ते हरिदास बाळकृष्ण रत्नपारखी यांनी अर्ज दाखल केले. नगरसेवकपदासाठी दाखल केलेल्या अर्जामध्ये भाजप, राष्ट्रवादी व शिवसेना शिंदे गट व काही अपक्षांचा समावेश आहे.