पुणे

शिवाई देवी यात्रा कमिटीचे व्यवहार चोख

CD

जुन्नर, ता. २५ : जुन्नर शहर श्री शिवाई देवी यात्रा कमिटीचे सर्व व्यवहार चोख आणि पारदर्शक असल्याची ग्वाही श्री शिवाई देवी सेवा संस्थेचे अध्यक्ष माजी नगरसेवक शाम खोत यांनी पत्रकार परिषदेत दिली.
यात्रा कमिटीवर करण्यात आलेल्या आरोपांमध्ये कोणतेही तथ्य नसून सर्व आरोप बिनबुडाचे असल्याचे खोत यांनी यावेळी स्पष्ट केले. यात्रा कमिटीचे माजी अध्यक्ष अनिल रोकडे यांनी केलेल्या आरोपांना उत्तर देण्यासाठी पत्रकार परिषद घेण्यात आली होती.
श्री शिवाई देवी सेवा संस्था, जुन्नर ह्या नोंदणीकृत संस्थेचे राष्ट्रीयकृत बँकेतच खाते आहे. तर श्री शिवाई देवी यात्रा कमिटीची खाती वेगवेगळ्या पतसंस्थेत आहेत. पतसंस्थेत अधिक व्याजदर असल्याने २००१ पासून कार्यकारिणीने सर्वानुमते ठेव ठेवली आहे. सर्व सदस्यांच्या मताने ठेव राष्ट्रीयीकृत बँकेत ठेवण्यास यात्रा कमिटी तयार आहे.
यात्रा कमिटीचे संस्थापक सदस्य दिवंगत अॅड. ज्ञानेश्‍वर सूर्यवंशी यांनी २०१५ मध्ये नोंदणी केली. सर्व कागदपत्रे आणि हिशोब दाखल करावयाचे अधिकार त्यांना होते. त्यांचे आकस्मिक निधन झाले. त्यानंतर २ ते ३ वर्ष कोरोनात गेली. त्यामुळे चेंज रिपोर्ट आणि निवडणूक घेणे शक्य झाले नाही. त्यामुळे याच कार्यकारिणीला सर्वानुमते मुदतवाढ करण्यात आली. धर्मदाय आयुक्तांना पूर्ण हिशोब देऊन मागील सर्व वर्षांचे ऑडिट करण्यात येईल असेही खोत यांनी सांगितले. पतसंस्थेतील ठेव वैयक्तिक नावावरील ठेव पावतीवर शिवाई देवी यात्रा कमिटी असे नमूद आहे.
कोरोनामुळे २०२०-२१ मध्ये यात्रा झाली नसल्याने वर्गणी जमा झाली नाही. यात्रेसाठी कार्यक्रम, मंडप यासाठी आगाऊ रक्कम दिली होती. विनायक गोसावी यांच्या ठेव पावत्यांबाबत केलेले आरोप निराधार आहेत. तसेच माजी अध्यक्ष अनिल रोकडे यात्रा सोडून गेल्यानंतर त्यांची पावती त्याच दिवशी कमिटीच्या अन्य सदस्याच्या नावे केली आहे. सभासद फी ही धर्मदाय आयुक्तांकडील सभासद फी असून दरवर्षी यात्रोत्सवासाठी ११०० रुपये आणि रौप्य महोत्सवी वर्षाकरिता १५०० रुपये सर्वानुमते सभासदांकडून देणगी स्वरूपात घेण्यात आले आहेत. रौप्यमहोत्सवी वर्षात ‘बैलगाडा कोर कमिटी’ सदस्यांच्या कृतीमुळे बैलगाडा शर्यत रद्द झाली. संस्थेला मिळालेल्या काही व्हीलचेअर आणि वॉकरचे वाटप केले असून शिल्लक गरजवंताला देण्यात येणार आहेत. यात्रेचा लेखाजोखा सादर करत याबाबत कुठलाही भ्रष्टाचार व गैरव्यवहार झालेला नाही असे खोत यांनी स्पष्ट केले.
यावेळी चंद्रशेखर जोशी, कैलास गोसावी, विक्रम कुऱ्हे, बाळासाहेब कानिटकर, संजय वरुडे, संजय ताजणे, सुमीत लांडे, सुभाष तितर, रज्जाक इनामदार, वैभव परदेशी, सुरेश ढोले, जितेंद्र पुराणिक उपस्थित होते.

सकाळ+ चे सदस्य व्हा

ब्रेक घ्या, डोकं चालवा, कोडे सोडवा!

शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

दारू ड्रग्ज हुक्का...! पुण्यातल्या रेव्ह पार्टीत बड्या राजकीय नेत्याचा पती सापडला! २ महिलांसह ५ पुरुषांना घेतलं ताब्यात

American Airlines Flight : उड्डाण करतानाच विमानाच्या लॅंडिंग गियरमध्ये आग, १७३ प्रवाशांसह ६ क्रू मेंबर्सचा जीव टांगणीला अन्...

Satej Patil : माणसं येतात जातात परंतु माणसं तयार करणारी फॅक्टरी बंटी पाटील हाय..., आमचं ठरलयं नाही आता त्यांचा करेक्ट कार्यक्रमचं

Latest Maharashtra News Updates: उजनी धरणाच्या सांडव्यावरून भीमा नदी पात्रात सकाळी 7 वाजल्यापासून 35000 विसर्ग

Pune Traffic : गणेशोत्सवाच्या तयारीसोबत खरेदीची गर्दी; पुण्याच्या मध्यवर्ती भागांत वाहतूक कोंडी

SCROLL FOR NEXT