जुन्नर, ता. १ : जुन्नर नगर पालिकेच्या महिला सफाई कामगारांना भेटवस्तू देऊन सन्मानित करण्यात आले. उपमुख्यमंत्री अजित पवार व माजी आमदार अतुल बेनके यांच्या वाढदिवसानिमित्त राष्ट्रवादी महिला काँग्रेस व तुळजाभवानी प्रतिष्ठानच्या वतीने या उपक्रमाचे आयोजन केले होते. यावेळी महिला कामगारांना अल्पोपाहार देण्यात आला.
यावेळी मुख्याधिकारी चरण कोल्हे, तुळजाभवानी प्रतिष्ठानच्या अध्यक्षा व राष्ट्रवादीच्या नेत्या डॉ. उज्ज्वला शेवाळे, राजश्री बेनके, पुष्पा खैरे, माजी नगराध्यक्षा भारती मेहेर, डॉ. वैशाली गायकवाड, आरोग्य निरीक्षक रेश्मा पाटणकर, दीप्ती कुलकर्णी प्रतिष्ठानच्या संचालिका डॉ. वैष्णवी शेवाळे, शेफाली शेवाळे, अंजली दिवेकर, राष्ट्रवादीच्या संघटक प्रिया महाबरे, माधुरी नांगरे, अफसाना इनामदार, ॲड. सलमा सय्यद, महिला अधिकारी व कर्मचारी उपस्थित होते.
या कार्यक्रमासाठी शंतनू शेवाळे यांनी विशेष सहकार्य केले. राष्ट्रवादीच्या शहराध्यक्ष वैष्णवी चतुर यांनी सूत्रसंचालन केले. आरोग्य निरीक्षक रेश्मा पाटणकर यांनी आभार मानले.