जुन्नर, ता. १४ : समर्थनगर-कुसूर (ता. जुन्नर) येथील श्री स्वामी समर्थ विसावा मंदिरात शनिवारी (ता. १६) चातुर्मासानिमित्ताने सामूहिक शिव लघुरुद्र यागाचे आयोजन केले आहे. अशी माहिती आयोजक तुकाराम महाराज दुराफे यांनी दिली.
यानिमित्ताने मंदिरात सकाळी भूपाळी आरती, स्वामी समर्थ, दत्त मूर्तीस महाअभिषेक, श्रींचा पालखी सोहळा, औदुंबर प्रदक्षिणा, श्रींची महाआरती, गणेश व रुद्र मंडल पूजा, लघुरुद्र पठण होणार असून यानंतर दोन सत्रात यज्ञ कुंडावर शिव लघुरुद्र याग हवनयुक्त आणि पूर्णाहुती होईल. शिव लघुरुद्र यागात ९६ यजमान सहभागी होणार आहेत. नैवेद्य, महाआरती, महाप्रसादाचे आयोजन करण्यात आले आहे.